首頁 » 推薦 » 究竟係咪大肚?周汶錡踩斗零踭現身

究竟係咪大肚?周汶錡踩斗零踭現身

究竟係咪大肚?周汶錡踩斗零踭現身

 名模周汶錡(Kathy)晚上與老公JulienLepeu出席珠寶展,下個星期就懷胎7個月的Kathy,身穿露背DeepV、前短後長的藍色晚裝,腳踏6吋斗零高踭鞋現身,真係一步一驚心。雖然周汶錡自己唔驚,但佢老公就全程都好緊張,係咁拖住老婆行,行嗰陣又係咁望住老婆對腳,真係睇見都戥佢哋牙煙。

Kathy受訪時笑言,是上車時才換上高跟鞋:「對鞋有platform,所以好舒服,唔好再講啦,我會畀人鬧。(畀邊個鬧?)身邊啲女性朋友都好緊張。」

食極唔肥

提到下午Kathy妹妹周麗淇指Kathy唔聽話食錯嘢,Kathy直言:「因為噚晚食嘢好急,飲咗個湯之後突然想食Yogurt,之後絞肚痛,好想扣喉,但瞓陣又冇事,好驚同埋好後悔。(有冇去醫生度check?)咁又冇check,食嘅時候覺得應該冇事,只係好後悔。我已經食好多嘢,每日食三、四餐,每餐都好豐富,醫生話我應該肥啲,我夜晚食pasta都食雙份,但唔知點增磅。」

談到Kathy太瘦,問到肚裡面的BB是否啱size?Kathy透露:「醫生話正常,身體、腳、手嘅長度都啱。」

真空上陣嫌cup數唔夠

另Kathy被記者發現疑似真空上陣,Kathy即笑笑口謂:「Ok啦,依家有少少身材,不過比我想像中少(升胸得少),人哋話懷孕會升2至3級,我好似只係升咗半級至1級,想試嚇個感覺。(想唔隆胸都試到?)覺得過程好得意。」

成日撇老公出街

對於今次老公陪同出席,Kathy笑言對方並不是緊張才陪同,問到老公有否抽多點時間陪自己?Kathy笑言:「佢依家成日話我自己出街,因為依個月好多朋友都想見我,所以日日都要出街。(幾時停工在家安心養胎?)生之前,可以的話,我想唔腫、而且見得嚇人都會出去,聽人哋講一個月前會水腫同埋好重,所以都未知。」

究竟係咪大肚?周汶錡踩斗零踭現身

周汶錡依然貫徹名模style,好風姿綽約咁慢慢行,反而佢老公就好驚青咁望到實。

究竟係咪大肚?周汶錡踩斗零踭現身

周汶錡真係成身都冇肥肉,OMG。不過佢呢個動作,真係太驚險喇。

究竟係咪大肚?周汶錡踩斗零踭現身

周汶錡笑言老公唔係因為緊張佢先陪佢出席活動。

究竟係咪大肚?周汶錡踩斗零踭現身

不過見慣大場面嘅周汶錡,好快就化險為夷,好嘢!

究竟係咪大肚?周汶錡踩斗零踭現身

周汶錡咁著法,更加唔覺大咗肚。

看看這個吧

日本阿宅打開「最佳賞味期1992年」的蘋果罐頭,結果竟然挖出觸目驚心的黑色謎樣物!

>>今晚的好伴侶,高清1080 ...

南韓超商竟然有操作簡單的「自助煮麵機」,還可以讓你加蛋配菜讓網友強烈要求引進台灣!

>>今晚的好伴侶,高清1080 ...