首頁 » 推薦 » 網民熱話:《大時代》女神當年今日

網民熱話:《大時代》女神當年今日

網民熱話:《大時代》女神當年今日

近日無綫開始重播經典劇《大時代》,吸引大批觀眾捱眼瞓煲劇,令佢成為呢十年深夜時段最高收視紀錄嘅劇集。呢套23年前首播嘅劇有唔少紅星參演,除咗有金像獎出爐影帝劉青雲同「最佳男配角」曾江,仲孕育咗四個永恆女神,包括:周慧敏、郭藹明、藍潔瑛、李麗珍。唔少網民重溫番佢哋廿幾年前個樣,都覺得佢哋當時好pure好true,仲話點睇都覺得佢哋無論係氣質定樣,都同依家嘅女神唔同啲!

雖然,呢四位現時年過四十嘅女神曾經紅極一時,不過佢哋依家嘅景況就大大不同,當中最幸福嘅莫過於有個絕世好老公劉青雲嘅郭藹明。近日,第二度獲封影帝嘅劉青雲喺台上發表「太空船」論冧爆老婆,又話因為拍《大時代》而搵到個好老婆,令到唔少網民都勁羨慕郭藹明!而「玉女掌門人」周慧敏,雖然之前情路有啲阻滯,但依家生活尚算美滿,而且仲同郭藹明一樣永遠keep得咁好,令到好多網民、尤其係女性網民,都好羨慕。

不過,另外兩個女神就冇佢咁幸運喇,早前幫無綫拍劇集《女人俱樂部》嘅李麗珍,情路上經歷唔少波折,仲試過為情自殺。不過佢自從同咗現任男友潘源良一齊之後,情路就穩定番好多,算係苦盡甘來。至於曾經靚絕五台山嘅藍潔瑛,就更加令人唏噓!昔日演技好樣又靚嘅佢,近年經常被拍得喺街上神情呆滯,網民不禁戥佢慘,仲話娛圈少咗個咁正嘅演員真係好可惜!

網民有話兒

謝XX:天然成份高。

XX的心:藍潔瑛當時最靚,演技好好。

XX欣:郭藹明又靚又高學歷,個老公仲咁正,真係全世界最幸福嘅女人。

我的XX:昔日索爆嘅藍潔瑛搞成咁,真係好慘。

網民熱話:《大時代》女神當年今日

四人之中最幸福嘅,絕對係郭藹明,唔單止搵到個好男人,仲要老公叻到攞咗2次影帝!

網民熱話:《大時代》女神當年今日

雖然李麗珍曾為情自殺過,不過依家同現任男友潘源良感情穩定。

網民熱話:《大時代》女神當年今日

劉青雲同周慧敏有唔少對手戲。

網民熱話:《大時代》女神當年今日

曾江

網民熱話:《大時代》女神當年今日

周慧敏獲封「玉女掌門人」,早幾年喺感情上遇過阻滯,好彩最後終於做咗幸福人妻,仲要以食咗防腐劑一樣嘅外貌馳名。

網民熱話:《大時代》女神當年今日

由郭藹明(左起)、劉青雲、李麗珍及藍潔瑛等主演嘅股壇神劇《大時代》大受歡迎,就算重播都一樣成功掀起熱話。

網民熱話:《大時代》女神當年今日

劉青雲因《大時代》同老婆郭藹明結下情緣。

網民熱話:《大時代》女神當年今日

潘源良(資料圖片)

網民熱話:《大時代》女神當年今日

藍潔瑛當年有樣、有演技,堪稱「靚絕五台山」,可惜近年外貌大走樣,令人感到相當可惜。

網民熱話:《大時代》女神當年今日

當年嘅藍潔瑛真係好pure好true!

網民熱話:《大時代》女神當年今日

神劇《大時代》重播,勾起唔少網民回憶。

看看這個吧

日本阿宅打開「最佳賞味期1992年」的蘋果罐頭,結果竟然挖出觸目驚心的黑色謎樣物!

>>全台最快速,高清1080p ...

南韓超商竟然有操作簡單的「自助煮麵機」,還可以讓你加蛋配菜讓網友強烈要求引進台灣!

>>今晚的好伴侶,高清1080 ...