首頁 » 推薦 » 娛樂專題:離巢高飛?徐子珊隨心走我路

娛樂專題:離巢高飛?徐子珊隨心走我路

娛樂專題:離巢高飛?徐子珊隨心走我路

從港姐冠軍走到無綫一線花旦位置,徐子珊可謂花了不少淚水及毅力。10年轉眼過去,面對同期小生花旦相繼離開,被視為下一個出走娘家的她卻沒有規劃往後的路,並認為換新環境需要勇氣及資源,自問沒膽外闖,一切隨心及憑感覺決定前路。

徐子珊當初盲舂舂報名參加選美,豈料摘下后冠成為四料港姐,當選後一星期已獲無綫安排擔任奧運直播節目主持。由於缺乏時間搜集資料,一切由零開始的她非常甩轆,試過上鏡時腦袋一片空白,緊張得說不出話來,幸而有經驗老到的陳百祥傍實才不至於出醜人前,該次寶貴經驗為她注下強心針:「之前以為記到對白好叻,原來好多嘢要儲,之後有做過台慶主持、又做過《東張西望》主持,當選後曾經想向呢方面發展,因為覺得Do姐(鄭裕玲)好型同好有魅力!」

為了勝任主持工作,她專誠修讀記憶課程,學習以特別方法運用記憶,其後卻被公司安排入劇組,自此展開演員生涯。由於已掌握背稿技巧,她的演藝之路起步時總算少了顧慮,加上首套參演劇集《女人唔易做》有鄧萃雯及謝天華等資深演員坐鎮,令她獲益良多:「當時好新,佢哋一路幫我,好在角色要求唔算多,好陽光、好爽!角色內心戲唔多,一有前輩就會帶住,開頭拍唔識因應感情位,佢哋會幫我。(NG多?)實有。(畀人鬧?)冇試過畀人當面話,之後睇番覺得有改進空間,所以怕睇自己啲嘢。」

想哭但是哭不出來

隨著內地市場愈見蓬勃,不少無綫小生花旦近年約滿後都相繼離開,一線位置更是當中的「重災區」,繼親生仔林峯去年離開後,外間估計胡杏兒及徐子珊亦會約滿離開。子珊現時與無綫仍有合約在身,未有多想往後的路該如何走,她說:「本身係冇乜計劃嘅人,只知道會繼續演戲。(留喺無綫都可以發展?)冇所謂,從來唔想擺自己一定係點,隨心同憑直覺囉!公司咁多年都好錫我,基本上有咩活動都會帶我出去。(想出去闖嚇?)我冇乜膽喎!(無綫樹大好遮蔭?)當你成日面對好熟嘅人,會覺得好舒服,要搵間『新學校』需要勇氣同資源,我依家真係未諗點行,太複雜。淨係定咗未來一半時間搵錢,一半時間做社會公益,當然有個合適夥伴Fit到大家就最好啦!」

要做一個成功的演員殊不簡單,雖然演藝路比不少人來得平坦,更不時遇上伯樂,子珊卻透露10年間不時遭受挫折,例如觀眾現時喜歡她演喊戲,但當初挑戰喊戲時卻充滿難度:「本身屋企人Train到我比較Tough,冇咁易將情緒擺出嚟,不過演戲係要投射同放大情緒,所以都用咗啲時間練。聽過人講等演員喊,我都試過一套劇一日喊10場,作為新人應該點呢?不過好得意,一開咗掣又好似決堤咁!(以前唔識控制情緒?)開頭有人幫,旁人特登鬧你,我又試過用白花油同薄荷膏,差在未插眼,聽過有更加兇狠嘅會用煙熏!後來入行3、4年後,有段時間密集式咁拍電影同劇集,吸取咗好多經驗,當中嘅失敗同挫折令人好快成長,可以儲情緒。」

遇上不能愛上的人

談到演感情戲時要先愛上拍檔才可更投入,子珊坦言從演多年來總會遇上「不能愛上」的人,為了說服觀眾便要找投射點:「都難㗎,但要專業,人夾人嘛!化學作用撞唔啱就撞唔啱,前輩叫我搵一樣嘢嚟鍾意,如果望住一個人當見唔到,就係Outfo喇!(咪冇感情囉?)係比較差,開頭做唔到要用呢啲方法,好彩係同靚仔拍容易投入。其實性格比較重要,平時大家會溝通,有時未必係男女感情,就算親情戲都係,要訓練自己好快咁發揮感情。」子珊過往多演專業人士角色,為免觀眾看厭,她每次都做足功課:「要睇角色重點喺邊,相似但唔會一樣,透過睇電影、劇集或書本豐富角色,或者放一啲身邊朋友嘅元素入去。做過好多次專業人士,不同之處係加啲細節、口頭禪同小動作,再複雜啲就調節用眼神嘅力度!」

繼《My盛Lady》後,她最近再參演喜劇《以和為貴》,飾演失婚師奶展現無知一面,對於平日多演專業人士的她可說是弱項,她說:「用搞笑方法演繹,觀眾會比較容易接受,所以會用肢體配合,例如用高踭鞋當武器打交,身邊朋友睇完都話幾搞笑,自己又Enjoy!咁多年後再同馬德鐘合作,佢首次演喜劇仲做爛仔,都好突破,初頭都睇唔慣!佢平時個樣比較嚴肅,試過整喊咗一個服裝同事,搞到人哋手忙腳亂!」

Life Mission:回饋社會

子珊自言情緒化兼多愁善感,較易投入感情戲,與拍檔的感情會慢慢培養得較自然,拍喜劇卻要花上很大氣力,要計算如何令觀眾發笑,問到演戲多年,可想有轉變?她笑說:「冇諗演戲演幾耐,有啲人無論咩環境都會堅持,但我冇。當初都冇諗過演戲,好彩咪繼續做囉!表演藝術係終身都想做嘅嘢,除咗滿足開飯外,仲想運用演員平台做多啲社會工作。(想回饋社會?)唔敢講到咁偉大,但相信有啲人都會尋找LifeMission,如果有100歲命,我都仲有60幾、70年要過,希望知道自己要做咩,之後為大家帶來正面訊息。」

結婚生仔係咪咁重要?

生於小康之家的子珊與家人關係密切,從沒想過長大後會離開家人生活。當年10多歲的她曾向家人表示不會結婚生仔,想一世黐實父母,長大後眼見身邊的朋友陸續結婚生仔,她的想法亦隨之改變。踏入30歲時,她曾自問是否需要擁有屬於自己的家庭,心想父母未能陪伴終老,姊姊亦已是兩女之母,一度打開心扉做YesDaughter,並接受母親安排的相親,可惜尋尋覓覓仍未找到心中的Mr.Right。

事隔數年,現年35歲的她對婚姻又有一番新看法:「依家覺得唔可以亂嚟,唔可以為咗社會或人哋嘅觀點去做嘢,唔係每樣嘢都啱自己。(做藝人就更加難?)當然,正常約會都難,同普通男性朋友見面都會出事,好Frustrated,唔想每日睇報紙都話我唔知同邊個一齊,咁我係咪只可以匿喺屋企?真係幾矛盾。」

怕揀錯有負擔

為免藝人身份影響正常社交生活,加上向來偏愛物色圈外男友,她偶爾會外出認識新朋友擴闊圈子:「依家唔會好似以前咁受人影響,阿媽叫我相睇會識SayNo,多咗個人想法。成長後比較著重自己需要咩,社會係咪適合生小朋友同結婚?隨遇而安啦!社會環境轉變太快,個人需要唔係最重要,結婚生仔又係咪重要?我寧願運用個人力量幫其他人,滿足感大啲!」她又揚言若到了40多歲仍是單身,亦不愁寂寞:「一路做有滿足感嘅嘢就唔悶,反而揀錯咗仲麻煩,要照顧唔想要嘅嘢,唔開心之餘又有負擔!感情係最冇把握,順其自然諗清楚先啦!」

娛樂專題:離巢高飛?徐子珊隨心走我路

曾經有一段時間徐子珊以Do姐作目標向主持方面發展。

娛樂專題:離巢高飛?徐子珊隨心走我路

徐子珊(左二)初出茅廬便擔大旗做主持,幸有阿叻從旁指導。

娛樂專題:離巢高飛?徐子珊隨心走我路

徐子珊自爆曾經用白花油幫助拍喊戲。

娛樂專題:離巢高飛?徐子珊隨心走我路

現年35歲的徐子珊直言怕揀錯所以對感情有所保留,要順其自然諗清楚再作決定。

娛樂專題:離巢高飛?徐子珊隨心走我路

為了勝任主持的工作,徐子珊曾修讀記憶課程。

娛樂專題:離巢高飛?徐子珊隨心走我路

在新人階段的徐子珊曾被感情位難倒,幸得一眾前輩相助才可以輕鬆過度。

娛樂專題:離巢高飛?徐子珊隨心走我路

子珊收放自如,拍喊戲亦難不倒她。

娛樂專題:離巢高飛?徐子珊隨心走我路

雖然最後安排入劇組發展,但之前進修的記憶課程對背劇本一樣有好多幫助。

娛樂專題:離巢高飛?徐子珊隨心走我路

本身性格堅強的徐子珊用了不少時間去鑽研喊戲。

娛樂專題:離巢高飛?徐子珊隨心走我路

子珊豁出去挑戰喜劇,與黃子華合作《My盛Lady》的演出令人刮目相看。

看看這個吧

日本阿宅打開「最佳賞味期1992年」的蘋果罐頭,結果竟然挖出觸目驚心的黑色謎樣物!

>>每日更新50片,高清108 ...

南韓超商竟然有操作簡單的「自助煮麵機」,還可以讓你加蛋配菜讓網友強烈要求引進台灣!

>>每日更新50片,高清108 ...