首頁 » 推薦 » 網民熱話:全城熱玩相片測齡

網民熱話:全城熱玩相片測齡

網民熱話:全城熱玩相片測齡

年齡係唔少人嘅秘密,不過近日唔少人都唔介意公開自己嘅「年齡」!最近有個名為「How Old Do ILook」嘅網站,用戶只要上載有樣嘅相,就能分析相中人嘅歲數。依個網站成功吸引眾多明星去玩,大家仲齊齊開心Share個測試結果。

唔少藝人測試得出嘅年齡歲數都比真實中後生,好似分別年過三十嘅鍾欣潼(阿嬌)、李亞男、方力申、藍奕邦,仲有台灣代表許瑋甯等,測試結果都係介乎18-27歲,都算呃得嚇人!

不過亦有人唔夠好彩,測試出嚟嘅歲數居然比真實年齡老,好似楊詩敏(蝦頭),佢用咗兩張唔同嘅相去玩,分別得出嘅結果係52同78歲,同真實中嘅年齡(39歲)相距甚大!而佢男友邵子風嘅結果就得24歲,兩人變相地咪玩緊「婆孫戀」?

而王祖藍亦拎咗佢同跑男一班主持嘅相去玩,得出嘅結果佢有成44歲,Angelababy就得21歲,而其他主持嘅年齡都細過佢。不過呢個網站嘅測試可靠程度就見仁見智嘅啫,後生咗就暗爽嚇,老咗咪當得啖笑囉!

網民有話兒

Haixxx:玩咗好多次都唔準!

侯XX:都唔準嘅,整阿婆張相,話得18歲。

我的XX:好多人話我係天生童顏,依家我真係信啦!

Kxx-CHxxxxxxxx:44歲的王祖藍與24歲的李亞男。

網民熱話:全城熱玩相片測齡

唔忿氣嘅蝦頭又再測,都係有成52歲……不過依張相另一個亮點係,連蝦頭身後張Poster嘅Model都測到!

網民熱話:全城熱玩相片測齡

台灣代表有許瑋甯!

網民熱話:全城熱玩相片測齡

王祖藍拎咗一張同「跑男」拍檔嘅海報測試,點知結果顯示成班人入面,佢嘅「年紀」係最大,都咪話唔傷心……

網民熱話:全城熱玩相片測齡

連卡通人物都測試到,好犀利呀!

看看這個吧

日本阿宅打開「最佳賞味期1992年」的蘋果罐頭,結果竟然挖出觸目驚心的黑色謎樣物!

>>每日更新50片,高清108 ...

南韓超商竟然有操作簡單的「自助煮麵機」,還可以讓你加蛋配菜讓網友強烈要求引進台灣!

>>每日更新50片,高清108 ...