首頁 » 推薦 » 網民熱話:忘不了郭藹明的拍劇年代

網民熱話:忘不了郭藹明的拍劇年代

網民熱話:忘不了郭藹明的拍劇年代

近日《大時代》喺深夜重播,大家都好捨得捱眼瞓追睇,就係為咗睇番咁多位嘅神級演技!鄭少秋飾演嘅丁蟹多人講不在話,就連只係短短出現一星期左右嘅方進新(劉松仁飾)亦令人懷念,更令大家流下唔少眼淚。雖然方進新就咁畀丁蟹打死咗,但萬眾期待嘅郭藹明終於出場啦!郭藹明個種「Chur到你死」嘅態度真係令人睇到拍曬手掌,不禁要講聲佩服佩服!「龍紀文」郭藹明同「方展博」劉青雲有唔少對手戲,兩人鬥交時,方展博就靠嚇,叫龍紀文跟佢返屋企。雖然最後佢哋劇入面無一齊到,不過現實中郭藹明就真係跟咗劉青雲返屋企喇!佢哋結咗婚之後,郭藹明就做咗成功男士背後的女人,幕前嘅演出就變得相當珍貴。

被網友封為「神級港姐」嘅郭藹明,唔止有樣有學歷,演技仲一流,就連劇中嘅「陳滔滔」林保怡都忍唔住喺早前嘅專訪中大讚佢係「純用直覺去演戲嘅天才型演員」,仲話如果唔係咁早嫁畀青雲,可能已經攞影后。雖然係咁,但做影帝嘅女人都唔易o架!有唔少網友都不其然回憶郭藹明之前嘅作品,話佢喺2004年幫無綫拍嘅最後一套劇《足秤老婆八両夫》入面,雖然造型麻麻,不過大讚佢做得好,仲希望無綫可以重播等大家回味嚇!

仲唔止呀,唔少網友都話佢喺劇集1995年《刑事偵緝檔案II》同1999年《狀王宋世傑》入面都好好戲,仲好希望佢可以快啲復出拍劇,等大家可以再睇到佢演技,不過亦有網友就話依家郭藹明做劉太做得咁幸福,唔想佢拍劇捱通宵咁辛苦喇!

網友有話兒:

白X娘:我到依家都接受唔到依個髮型

X簡XX犯:斗倌!

食麵XXX :依家睇番,好女朋友feel。

田XX:好好睇喎呢套野(嘢)快d(啲)重播

西裝友XX:秀外慧中邊度搵?

網民熱話:忘不了郭藹明的拍劇年代

《足秤老婆八両夫》喺郭藹明幫無綫拍嘅最後一套劇,佢仲同黃宗澤合作o添!

網民熱話:忘不了郭藹明的拍劇年代

依!《大時代》嘅陶大宇都喺《刑事偵緝檔案II》到噃!

網民熱話:忘不了郭藹明的拍劇年代

達明及郭藹明

網民熱話:忘不了郭藹明的拍劇年代

秋官飾演的丁蟹(資料圖片)

網民熱話:忘不了郭藹明的拍劇年代

《足秤老婆八両夫》中,麥包(麥長青)都有做o架!

網民熱話:忘不了郭藹明的拍劇年代

1999年《狀王宋世傑》郭藹明同張達明合作。

網民熱話:忘不了郭藹明的拍劇年代

今年金像獎,青雲再攞影帝,老婆梗緊要錫番啖獎勵嚇啦!

網民熱話:忘不了郭藹明的拍劇年代

松哥飾演的方進新(資料圖片)

網民熱話:忘不了郭藹明的拍劇年代

1995年《刑事偵緝檔案II》嘅郭藹明,真係好pure!

網民熱話:忘不了郭藹明的拍劇年代

好兇狠喎!

網民熱話:忘不了郭藹明的拍劇年代

老公去邊,老婆就去邊,唔易o架!

網民熱話:忘不了郭藹明的拍劇年代

林保怡(資料圖片)

看看這個吧

日本阿宅打開「最佳賞味期1992年」的蘋果罐頭,結果竟然挖出觸目驚心的黑色謎樣物!

>>每日更新50片,高清108 ...

南韓超商竟然有操作簡單的「自助煮麵機」,還可以讓你加蛋配菜讓網友強烈要求引進台灣!

>>今晚的好伴侶,高清1080 ...