首頁 » 推薦 » 網民熱話:點解捱夜都要睇《大時代》?

網民熱話:點解捱夜都要睇《大時代》?

網民熱話:點解捱夜都要睇《大時代》?

重頭劇《大時代》深夜重播,掀起一股捱夜煲劇熱潮。而一班網民不嬲都崇尚科技,今次竟然唔選擇上網煲劇,反而甘願做「原始人」,寧願捱住眼瞓,都要乖乖地坐喺電視機面前睇劇,最後更令劇集創下半夜時段嘅最高收視紀錄,可見神劇嘅威力有幾犀利!有網民就開Post問大家,點解每次一有神劇喺深夜重播,都會選擇捱夜煲劇,反而唔透過網路途徑收睇?最後,大家歸納出捱夜煲《大時代》嘅三大優點!

1. 同步直擊

唔少網民會一邊煲劇,一邊喺網上直擊劇情。自從劇集重播嘅第一日,討論區上已出現「《大時代》直擊討論區」、「重播劇《大時代》討論區」等多個煲劇Post。每次劇集一出現高潮位,就會有一班網民同你一齊即時見證奇景,傾到緊張兼流汗,煲劇時都加多咗幾分肉緊呀!所以話,有一班志同道合嘅網友隔空陪住自己煲劇,就算夜已深,都一啲都唔覺得Lonely!

2. 包保暢順

「Lag機」可謂上網煲劇嘅天敵!當你睇到丁蟹準備跳樓時,竟然突然斷線!要等到佢跳完,輕則要等幾分鐘,重則幾個鐘都未必等到畫面順番。而選擇睇電視嘅話,就包保唔會Lag,可以一氣呵成咁睇曬全集!

3. 原汁原味,夠曬味道

香港市民最種意「電視汁撈飯」,要坐喺電視機前面欣賞劇集,先最夠味道!假如透過手機或電腦睇劇,個Mon咁細,又點會睇得過癮呢?有網民仲借「入戲院睇戲」嚟作比喻,睇戲梗係要入戲院睇,留喺屋企就冇咗份感覺。同樣道理,睇劇都一樣,梗要喺電視機睇先夠劇味!

網民有話兒:

我xx樂:其實大時代上網都有得睇,點解咁多人捱夜睇重播既(嘅)?

熊xx:犯賤睇緊

瘋xx乳:電視既(嘅)特色,就係全港同一時間睇

聞xx:電視劇係要由電視機睇先夠原汁原味…難道電影係(喺)屋企睇會比係(喺)戲院睇更有味道?

佛余司機2:你睇波會唔會睇重播

網民熱話:點解捱夜都要睇《大時代》?

上網煲劇,最怕都係網路唔順,搞到個畫面窒嚇窒嚇咁,等到畫面暢順番時咩煲劇興致都冇曬啦。

網民熱話:點解捱夜都要睇《大時代》?

用電視機煲嘅其中一個好處就係,即時上網同一班志同道合嘅網民隔空直擊兼討論劇情!

網民熱話:點解捱夜都要睇《大時代》?

秋官掟仔一幕咁緊張,點可以突然Load唔到畫面呀?

網民熱話:點解捱夜都要睇《大時代》?

當你睇到跳樓依一幕,部機突然Hang咗,你會唔會想掟爛部機?

網民熱話:點解捱夜都要睇《大時代》?

見到松哥喺劇入面嘅神級演技,都可以即時上網讚嚇佢。

網民熱話:點解捱夜都要睇《大時代》?

最唔期待依個畫面……

網民熱話:點解捱夜都要睇《大時代》?

每晚都有唔少網民一邊睇秋官(左二)同「四蟹」周圍作惡,一邊破口大罵。

網民熱話:點解捱夜都要睇《大時代》?

睇劇時電視畫面夠大,連劇集味道都感覺會濃啲。

看看這個吧

日本阿宅打開「最佳賞味期1992年」的蘋果罐頭,結果竟然挖出觸目驚心的黑色謎樣物!

>>每日更新50片,高清108 ...

南韓超商竟然有操作簡單的「自助煮麵機」,還可以讓你加蛋配菜讓網友強烈要求引進台灣!

>>每日更新50片,高清108 ...